Եվրոպական լայնականջ

Նկարագրություն

Մարմնի երկարությունը 45–50 մմ, պոչը՝ 41–44 մմ, ականջը՝ 14–17 մմ, տրագուսը՝ 9–9,5 մմ, FA 36–41 մմ։ Գանգի կոնդիլոբազալ երկարությունը 13–13,6 մմ, վերին ատամնաշարը՝ 4,6–4,8 մմ։ Մորթին շատ մուգ է, մետաքսափայլ, մազերի ծայրերը բաց դեղնասպիտակավուն կամ մոխրասպիտակավուն են (Кузякин, 1950, էջ 309)։ Կալկարի էպիբլեման կիլիայով բաժանված է (Dietz, von Helversen, 2004, էջ 23)։ Այտային լայնությունը 7,2–7,6 մմ (Кузякин, 1950, էջ 309)։

Ապրելավայր

Մութ քարանձավներում, լքված հանքահորերում և նկուղներում նստում են պատերի հորիզոնական եզրերին կամ կախվում թեք պատերից (Кузякин, 1950, էջ 310)։

Բազմացում

Ըստ Myhrvold et al. (2015) տվյալների՝ ձագերի միջին թիվը մեկ ծննդաբերությունում՝ 2, տարեկան ծնունդների թիվը՝ 1, կյանքի առավելագույն հայտնի տևողությունը՝ 23 տարի։

Ընդհանուր արեալ

Արեալը (ըստ MDD v2.5) ընդգրկում է Եվրոպան, Մարոկկոն, Կանարյան կղզիները, Թուրքիան, Կովկասը և Իրանը։

Տարածում Հայաստանում

Ներառված է EUROBATS-ի և MDD v2.5-ի Հայաստանի ցանկերում։ GBIF-ում կա մեկ գրառում (Տավուշ, iNaturalist, 2026)։ Գրառումը հիմնված է լուսանկարների վրա, որոշումը հաստատել են երեք որոշողներ (iNaturalist, դիտարկում 382522884)։ Նմուշներ և հրապարակումներ չեն գտնվել. քանի որ եվրոպական և ասիական լայնականջներն արտաքինով նման են, գրառումը պահանջում է հաստատում։։

Պահպանության կարգավիճակ

ՀՀ Կարմիր գրքում (2010) գրանցված չէ։ IUCN՝ NT (ըստ MDD v2.5)։

← Գունատ երկարաթևԱսիական լայնականջ →